Təcrübə Proqramı uğurla başa çatdı, təcrübəçilərin naliyyətləri isə davam edir

  • 15/09/2021

    SOCAR AQŞ-nin təşkil etdiyi 3 aylıq Təcrübə Proqramı uğurla başa çatıb. Təhsil sahələrinə uyğun təcrübə alan Bakı Ali Neft Məktəbinin sonuncu kurs tələbələri proqram boyunca praktiki biliklərə yiyələnərək, müxtəlif layihələrdə iştirak etmək imkanı əldə ediblər.

    Təcrübəçilərdən Ələkbər Ələkbərov proqram haqqında öz təəsüratlarını bölüşərkən, bu müddət ərzində yeni biliklər qazandığını, proqramın ona bu çətin sahədə təkmilləşməsinə kömək etdiyini və yeni əlaqələr qurmağa imkan yaratdığını vurğuladı. Proqramı uğurla tamamlayan Ələkbər hazırda BP şirkətinə işə qəbul olub.

    Digər bir təcrübəçimiz Türkan Məmmədova öz təhsilini xaricdə davam etdirmə xəyalını reallaşdıraraq DAAD (Alman Akademik Mübadilə Xidməti) təqaüdünü qazanıb.

    Orxan Məmmədov adlı təcrübəçimiz isə proqram sonunda SOCAR AQŞ ailəsinə qoşularaq Qazma Mühəndisliyi komandasına işə qəbul olub.

    Proqramda iştirak etmiş təcrübəçilər SOCAR AQŞ rəhbərliyinə, Qazma Mühəndisliyi üzrə Direktor Apparao Cherekuriyə, Qazma Mühəndisliyi komandası və bütün SOCAR AQŞ əməkdaşlarına öz dərin minnətdarlıqlarını bildirdilər. Proqramın sonunda hər bir iştirakçı bitirdiyi proqram üzrə sertifikatlarla təltif olunublar.

    SOCAR AQŞ ailəsi olaraq bütün təcrübəçilərimizin uğurları ilə fəxr edir, onlara gələcək karyeralarında müvəffəqiyyətlər arzu edirik.

     

     

AZƏRBAYCAN QAZMA SƏNAYESİNDƏ İLK DƏFƏ

Horizontal quyu

Dayazsulu Günəşli yatağında ilk dəfə olaraq müəssisəmiz tərəfindən horizontal istismar quyusu (350) DDSÖ 13-dən qazılmışdır.

daha ətraflı

Qabaqcıl Texnologiyaların Uğurlu Tətbiqi

SOCAR AQŞ BP Azərbaycan şirkətinin elan etdiyi Sahibkarlığın İnkişafı Mükafatı 2015 müsabiqəsində İLİN ŞİRKƏTİ Mükafatına layiq görülmüşdür.

daha ətraflı